Bu günlərdə Moskva Şəhriyar Ədəbi Mədəni cəmiyyətininn və Beynəlxalq Yazıçılar və Publisistlər assosiasiyasının üzvü şairə Afaq Şıxlı Türkiyə Şeir Akademiyasının diplomu ilə təltif olunmuşdur.

18 mart Çanaqqala dəniz zəfəri bayramı günlərində Çanaqqalada keçirilən tədbirlərdə fəal iştirak edən şairə Afaq Şıxlı yaşadığı Moskva şəhərinə gözəl təəssüratlarla qayıtmışdır. Şairə “Türklərin vətən sevgisi, vətənpərvərlik ruhu insanın canın hopmaya bilmir. Və sən bu böyük türk dünyasının bir parçası olmağınla qürur duyursan” deyir.

Keşirilən tədbirlərə Azərbaycandan, Rusiyadan və Türkiyənin müxtəlif şəhərlərindən gələn şair və yazıçılar: şair Məmməd İsmayıl, Mustafa Berçin, Sərdar Akkoç, yazıçı Nəriman Əbdülrəhmanoğlu və bir çoxları da qatılmışlar.

Vətəndən uzaqlarda yaşamasına baxmayaraq Azərbaycanı hər zaman hər yerdə böyük məhəbbət və ilhamla təmsil edən, gözəl şeirlərilə qəlbləri oxşayan şairəmiz Afaq Şıxlı Türkiyə Şeir Akademiyasının diplomu ilə təltif olunmuşdur.