Bakı "Eurovision" müsabiqəsini möhtəşəm təşkil etdi - France Press
Azərbaycanın paytaxtı Bakı, şübhəsiz, büllur formasında tikilən və lazer tacı ilə əhatələnən "Kristal Zalı"nın səhnəsi ilə birlikdə gözəl şəhərdir. Bu barədə bazar günü Agency France Press (AFP) xəbər verir.
"Əgər kimsə Bakının parıltıya olan sevgisinə şübhə edirsə, üç göydələnin alovun dilləri kimi qalxdığı və onların fasadı vasitəsilə non-stopların "Eurovision-2012" rəmzlərinin və bayraqların təsvirlərinin sayrışdığı başqa tərəfə, geriyə baxmaq kifayət edir. Qala üzərində neon işıqdan tökülmüş neft qülləsi şəklində təsvirlərini heç demirəm", - AFP yazır.
Materialda bildirilir ki, Bakı "Eurovision" müsabiqəsini möhtəşəm təşkil etmişdi.
"Eurovision" müsabiqəsinin loqotipləri avtobuslarda və yeni London taksilərinin üzərində idi. Onlar açıq havada quraşdırılan ekranlarda, bayraqlarda və Dənizkənarı parkda var idi", - AFP xəbər verir.
Bakıda keçirilən 57-ci "Eurovision" mahnı müsabiqəsinin qalibi "Euphoria" mahnısı ilə İsveç təmsilçisi Lorin oldu. Səsvermənin nəticəsinə əsasən, İsveç 372 xal toplayıb.
Trend-in məlumatına görə, 18 ölkədən İsveç təmsilçisinə 12 səs verilib. Bunlar Avstriya, Belçika, Fransa, Böyük Britaniya, Slovakiya, Niderland, İslandiya, Norveç, Estoniya, Danimarka, Latviya, İspaniya, Finlandiya, Almaniya, Rusiya, Macarıstan, İsrail və İrlandiya ölkələridir.
İsveç təmsilçisinə 10 balı Rumıniya, Sloveniya, Kipr, Litva və Serbiya, 8 balı isə Bolqarıstan, Gürcüstan, Bosniya və Herseqovina ölkəsi verib.
Səsvermə nəticəsində ikinci yeri 259 xalla Rusiya, üçüncü yeri isə 214 xalla Serbiya tutub.
Səbinə Babayevanın "When The Music Dies" mahnısı ilə təmsil etdiyi Azərbaycan 150 balla 4-cü yeri tutub.
Azərbaycan, Bakı, 27 may /Trend, müxbir E.Tariverdiyeva/
Lorin 2013-cü ildə hamını İsveçə dəvət etdi
«Məni sizi sevirəm. Qələbə hazırda tək mənim deyil, hamımızındır. Anam burdadır və məni ölkəmdən ilk təbrik edən nümayəndə heyətimin üzvləri və anam oldu. Mən çox xoşbəxtəm». APA-nın məlumatına görə, bunu Eurovision 2012 mahnı müsabiqəsinin qalibi İsveç təmsilçisi Lorin deyib. Lorinə ötən həftə boyu bir çox təzyiqlərə məruz qalması ilə bağlı verilən suala cavab olaraq, qalib «yatdım, istirahət etdim və yalnız öz perfomansım haqqında düşündüm» deyə cavab verib. «Demisiniz ki, Azərbaycana dəstək olacağam, bunu necə edəcəksiniz” sualına cavab olaraq, “Bütün ürəyimlə Azərbaycanın yanındayam, Azərbaycan xalqı çox dostsevər və qonaqpərvərdir”. «Green room»da qarışıq hisslər keçirdiyini deyən Lorin, orada onun üçün zamanın donduğunu deyib. 17 rəqəm altında çıxış edən İsveç təmsilçisi, bundan sonra ən sevimli rəqəminin də məhz 17 olacağını deyib. Lorin hamını gələn il İsveçə də dəvət edib: «Təbiəti, insanları çox gözəldir. Hər birinizi ölkəmizə dəvət edirəm». Mətbuat konfransında Lorinin anası da iştirak edib və onun anasına gül dəstəsi hədiyyə olunub.
Mətbuat konfransında Eurovision Mahnı Müsabiqəsinin icraçı rəhbəri Yan Ola Sand İsveçi qələbə münasibəti ilə təbrik edib və 2013-cü ilin yüksək səviyyədə keçirilməsi üçün Avropa Yayımlar Birliyinin (EBU) onlara lazımi köməyi edəcəyini qeyd edib. Daha sonra Yan Ola Sand İsveçə ev sahibliyi ilə bağlı məsləhətlər kitabını təqdim edib və iyunda nümayəndə heyətini ev sahibliyi ilə bağlı ilkin danışıqları həyata keçirmək üçün Cenevrəyə dəvət edib.
İsveçin nümayəndə heyətinin rəhbəri «bütün qəlbimizlə 2013-cü ildə hamını İsveçə dəvət edirik. Uzun illərdir bu işin içindəyik və qələbəyə ehtiyacım var idi» deyərək hər kəsə təşəkkürünü ünvanlandırıb.
Bakı. Ülkər Rəşidqızı – APA.
- Yorum yapmak için giriş yapın