Nəsib Nəbioğlunun “Heç belədə kənd olar ” kitabı nəşr edilib
“525-ci qəzet”in “Bank of Azerbaijan”la birgə həyata keçirdiyi humanitar-mədəni layihə çərçivəsində şair Nəsib Nəbioğlunun “Heç belədə kənd olar ” adlı kitabı işıq üzü görüb. Seriyanın rəhbəri “525-ci qəzet”in baş redaktoru, AYB-nin katibi Rəşad Məcid, tərtibçi və redaktor isə Səlim Babullaoğludur.
Qeyd etmək istərdik ki,layihə çərçivəsində indiyədək bir çox müəlliflərin – İosif Brodskinin, Orxan Pamukun, Anarın, Elçinin, Çingiz Addullayevin, Şota İataşvilinin, Ramiz Rövşənin, Əjdər Olun, Ədalət Əsgəroğlunun ,Söhrab Sepehrinin, Mişel Uelbekin, Natiq Rəsulzadənin, Fikrət Sadığın, Elçin Hüseynbəylinin, İlqar Fəhminin, İmir Məmmədlinin, Qismətin, Səməd Səfərovun və qadın yazarlarımızdan Nurəngiz Günün, Afaq Məsudun, Günel Anarqızının və Aysel Əlizadənin kitablarını nəşr edilib.
“525 kitab” seriyasından dərc olunan kitablar müəllifləri ədəbiyyatımızda tanınan,öz dəst-xəttilə seçilən və fərqlənən yazarlardır. Bədii ədəbiyyatımızın, insanların mənəviyyatının zənginləşməsində, oxucu zövqünün formalaşmasında böyük əhəmiyyəti olan şair və yazıçılarımızın əsərləri bu seriyada yer alib. Bu gün belə kitabların çap edilməsi olduqca vacibdir və xüsusi önəm daşıyır.
“Şəhriyar” ədəbi-mədəni cəmiyyətinin üzvləri adından, Nəsib Nəbioğlu poyeziyasını sevərlər adından sevimli şairimizi səmimi qəlbdən təbrik edirik, şairimizə cansağlığı arzulayirıq, yaradıcılığında yeni-yeni uğurlar diləyirik. Qələminiz iti, yolunuz uğurlu olsun!-deyirik.
“Şəhriyar” ədəbi-mədəni cəmiyyəti
- Yorum yapmak için giriş yapın