QADIN ELƏ SEVILMƏLIDIR KI...

Bir kitabı yaxşı oxumasan geriyə vərəqlərkən əvvəlki qədər anlaya, mənasını tuta bilməzsən... həzz ala bilməzsən.
İnsan da bir kitabdır.
Onunla yaşadığın ömrü sevə-sevə, diqqətlə yaşamasan, mənasını itirər hər şey
Dəyərlər də dəyərsiz olar...

Qadın ən qiymətli bir dəyərdir.

Onu sevmək, qorumaq, anlamaq lazımdır.

Çox şey istəməz əslində, diqqət nə nəvaziş istər.

Qayğı istər, məhəbbət istər!

Bunları görəndə parlar..., görməyəndə isə solar... bir gül kimi...

Qadın elə sevilməlidir ki, o bu sevginin qanadlarında pərvanətək uça bilsin.

Qadın elə sevilməlidir ki, bu sevgini yalnız hiss etməklə bitməsin - həm də xoşbəxt olsun.

Qadın elə sevilməlidir ki, məkan və zamnın fərqi olmasın.

Qadın elə sevilməlidir ki, arxlana və inana bilsin.

Qadın elə sevilməlidir ki, bu sevgiyə sığınıb rahat ola bilsin.

Qadın elə sevilməlidir ki, milyon kişinin icində belə gözü ancaq onu görsün.

Qadın elə sevilməlidir ki, milyon qadının içində yeganə olduğunu bilsin.

Qadın elə sevilməlidir ki, üstündən 20 il keçsə belə əvvəlkii kimi sevsin və sevilsin.

Qadın elə sevilməlidir ki, heç nəyə peşman olmasın.

Qadın elə sevilməlidir ki, məni burax - demək istəməsin.

Qadın elə sevilməlidir ki, bu sevgiyə heç kim əngəl ola bilməsin.

Və nəhayət qadın elə sevilməlidir ki, arada O adlı üçüncü heç kim olmasın!

Sevdiyi insan - yalnız Sən və Mən - desin və sevgisini ona isbat etsin!

QADIN BÖYÜK QÜVVƏDIR!

Qadın sirlə dolu, maraqlı, təkrarolunmaz, pomantik, sentimental, eyni zamanda da realist bir məxluqdur.

Qadın istəməsə ağlamaz... Hisslərini cilovlamağı bacarar. Yeri gəlincəyədək susar.

Qadın ürəkdən sevər, lakin inanılmaz nifrətə sahib ola bilər.

Qadın yumşaq qəlbli olsa da yalnız istəyərək aldanar.

Qadın dərdli də olsa - hər an Simruq quşu kimi yenidən canlanmağı bacarar.

Qadın unutmaz, amma unutmuş kimi görünər. Bəlkə də bağışlamaz, amma lazım gələrsə susar.

Qadın sevmədiklərini görməz, sevdiklərimizi isə çox vaxt incidə bilər.

Qadın zəif görünə bilər, amma bəzən kişilərdən daha güclü olar.

Qadın günəş qədər isti, nəğmə qədər həzindir.

Qadın külək kimi çoşğun, göy qurşağı kimi rəngarəngdir.

Qadın alışan və alışdırandır.

Qadın yaradan və yaşadandır.

Qadın düşüncəlidir, çiyinlərində çəkə biləcəyindən daha artıq yük daşıyır.

Qadın həm müəllim, həm tərbiyəçi, həm həkim, həm də evdar qadındır.

Qadın ailəsinin həm xanımı, həm də nökəridir.

Qadın övladının qoruyucu mələyidir!

Qadınlar ağlını qəlbinə qurban versə də, qəlbini heç nəyə qurban verməz.

Qadınların içində şıltaq bir uşaq yaşar.

Qadından başqa heç kim dünyaya yeni insan gətirə bilməz!

Qadın sirri acılmamış bir möcüzə, oxumaqla bitməyən bir kitabdır.

Kim nə deyir desin... Qadın - böyük qüvvədir!

Afaq Şıxlı